September 6, 2024 7:11 PM
देशातल्या शेअर बाजारात आज मोठी घसरण
अमेरिकेतले बेरोजगारीचे संभाव्य आकडे आणि फेडरल रिझर्व्हकडून व्याजदरात बदल होण्याच्या शक्यतेमुळे देशातल्या शेअर बाजारात आज मोठी घसरण झाली. सेन्सेक्स १ हजार १७ अंकांनी घसरून ८१ हजार १८४ अंकांवर बंद झाला. तर निफ्टी २९३ अंकांची घसरण नोंदवून २४ हजार ८५२ अंकांवर स्थिरावला. या घसरणीमुळं मुंबई शेअर बाजारातल्या कंपन्यांचं बाजारमूल्य सव्वा ५ लाख कोटींहून अधिक रुपयांनी कमी झालं. वाहन, बँका, वित्तीय सेवा, ऊर्जा, पायाभूत सुविधा यासारख्या क्षेत्रातल्या समभागांमध्ये आज घसरण झाली.
