मुंबई शेअर बाजाराचा सेन्सेक्स विक्रमी उंचीवर

जागतिक बाजारातल्या सकारात्मक वातावरणाचे पडसाद आज देशातल्या शेअर बाजारांमधे उमटले आणि बाजार नव्या उच्चांकावर बंद झाले. मुंबई शेअर बाजाराच्या सेन्सेक्सनं एक हजार ४३९ अंकांची झेप घेतली आणि तो दिवसअखेर ८२  हजार  ९६२ या विक्रमी पातळीवर  बंद झाला. राष्ट्रीय शेअर बाजाराचा निफ्टी ४७० अंकाची वाढ  नोंदवत २५ हजार ३८८ या उच्चांकावर बंद झाला. धातू, दूरसंचार आणि तंत्रज्ञान क्षेत्रातल्या कंपन्यांचे समभाग तेजीत राहिले.