शेअर बाजारात दिवसाच्या सुरवातीलाच उत्साह, सेन्सेक्स प्रथमच ७९ हजाराच्या पार

भारतीय शेअर बाजारांमधे आज दिवसाच्या सुरुवातीलाच तेजीचं वातावरण दिसून आलं. मुंबई शेअर बाजाराचा सेन्सेक्सने आज पहिल्यांदाच ७९ हजार अंकांची पातळी ओलांडली, तर राष्ट्रीय बाजाराचा निफ्टी २३ हजार ८८१ अंकांच्या पुढे गेला. सुरुवातीला नफावसुलीमुळे शेअर बाजारात काही काळ निरुत्साह दिसत होता, पण त्यानंतर पुन्हा खरेदीला जोर आल्यामुळे शेअर बाजार विक्रमी अंकांवर पोहोचले.