July 16, 2024 7:52 PM

नीट पेपर फुटी प्रकरणी आणखी दोन आरोपींना  पाटणा इथून आज अटक

सीबीआय, अर्थात केंद्रीय अन्वेषण संस्थेनं नीट पेपर फुटी प्रकरणी आणखी दोन आरोपींना  पाटणा इथून आज अटक केली आहे. हजारीबाग इथल्या राष्ट्रीय चाचणी संस्थेच्या कार्यालयातून नीट परीक्षेचा पेपर चोरल्याच्या त्यांच्यावर आरोप आहे. या प्रकरणात आतापर्यंत एकूण 14 आरोपींना अटक केली आहे. सीबीआय आणि विविध राज्याचे पोलीस या प्रकरणाचा तपास करत आहेत

July 12, 2024 1:05 PM

नीट परीक्षा गैरव्यवहार प्रकरणाचा आरोपी एन. गंगाधरन याच्या कोठडीत १५ जुलै पर्यंत वाढ

नीट परीक्षा गैरव्यवहार प्रकरणी सीबीआय कोठडीत असलेला आरोपी एन. गंगाधरन याच्या कोठडीत लातूरच्या न्यायालयानं आणखी चार दिवसांची वाढ केली आहे. त्याची कोठडी काल संपल्यानं त्याला न्यायालयात हजर केलं होतं.  दरम्यान, या प्रकरणी लातूरमध्ये गुन्हा दाखल असलेला ईरंना कोनगलवार हा अद्याप फरार असून त्याला अटक करण्याचं मोठं आवाहन सीबीआयपुढं आहे.

July 12, 2024 12:12 PM

नीट परीक्षा पेपरफूटी प्रकरणाच्या मुख्य आरोपीला सीबीआयनं केलं अटक

नीट परीक्षेतील पेपरफूटी प्रकरणी केंद्रीय तपास पथक-सीबीआयनं राकेश रंजन उर्फ रॉकी या व्यक्तीला अटक केली आहे. पेपरफूटी प्रकरणात तो मुख्य सुत्राधार असून त्याला दहा दिवसांची सीबीआय कोठडीत पाठवलं आहे. राकेश रंजन हा पेपरफूटीप्रकरणातील प्रमुख आरोपी संजीव मुखिया याचा जवळचा साथीदार आहे. मुखिया हा फरार असून त्याचा ठावठिकाणा राकेश रंजनकडून मिळेल अशी आशा व्यक्त केली जात आहे. दरम्यान, याप्रकरणी तपास यंत्रणेनं झारखंडच्या हजारीबाग इथल्या ओएसिस शाळेचे मुख्याध्यापक अहसानुल हक आणि उपमुख्याध्यापक इम्तियाज यांच्यासह...