मुंबई विमानतळावर गेल्या २ दिवसात साडेसात किलो सोनं जप्त

मुंबई विमानतळावरुन गेल्या दोन दिवसात तस्करी करुन आणलेलं साडेसात किलो सोनं जप्त करण्यात आलं असून त्याची बाजारातली किंमत ५ कोटी रुपयांहून अधिक असल्याची माहिती विमानतळ झोन ३ च्या पोलीस अधिकाऱ्यांनी दिली आहे. सोने तस्करीच्या एकूण ७ प्रकरणांमध्ये ही जप्ती करण्यात आली असून या प्रकरणी ८ जणांना अटक करण्यात आली आहे. यामध्ये विमानतळ प्राधिकरणाच्या काही कंत्राटी कामगारांचाही समावेश आहे. सोने तस्करी प्रकरणी ६ कंत्राटी कामगारांबरोबर दुबई आणि मादागास्करहून आलेल्या प्रवाशांचा समावेश आहे.