August 11, 2024 1:15 PM
‘कशूर रिवाज’ सांस्कृतिक महोत्सवात तरुणींच्या सर्वात मोठ्या काश्मिरी लोकनृत्याचा जागतिक विक्रम
जम्मू-काश्मीरच्या बारामुल्ला जिल्ह्यात आयोजित कशूर रिवाज या सांस्कृतिक महोत्सवात आतापर्यंत दहा हजार मुलींनी सर्वाधिक संख्येनं काश्मिरी लोकनृत्य सादर करून विश्वविक्रम केला आहे. ‘यूआरएफ’ अर्थात, युनिव्हर्सल रेकॉर्ड फोरममध्ये त्यांच्या नावाची नोंद झाली आहे. ७८ व्या स्वातंत्र्य दिनानिमित्त हे लोकनृत्य सादर केलं गेलं. बारामुल्ला जिल्हा प्रशासन आणि इंद्राणी बालन फाउंडेशन यांनी संयुक्तपणे या कार्यक्रमाचे आयोजन केलं होतं. प्रोफेसर शौकत अली इनडोअर स्टेडियममध्ये या महोत्सवाचं आयोजन करण्यात आले होते.
