केंद्रात भाजपाची सत्ता असल्यानं निवडणूक आयोग भेदाभेद करत असेल – विरोधी पक्षनेते अंबादास दानवे

September 12, 2024 6:42 PM

केंद्रात भाजपाची सत्ता असल्यानं निवडणूक आयोग भेदाभेद करत असेल – विरोधी पक्षनेते अंबादास दानवे

केंद्रात भाजपाची सत्ता असल्यानं निवडणूक आयोग भेदाभेद करत असेल, असा आरोप विधान परिषदेतले विरोधी पक्षनेते अंबादास दानवे यांनी केला आहे. ते आज बीडमधे बोलत होते. शिवसेना जात धर्म बघून उमेदवार देणार नाही. शिवसैनिक आणि संघटना म्हणून कार्य आणि वैचारिक निष्ठा लक्षात घेऊन उमेदवारी दिली जाईल, असं त्यांनी सांगितलं.

राज्यसरकार कायदा आणि सुव्यवस्थेच्या बाबतीत जागरूक नाही – विरोधी पक्षनेते अंबादास दानवे

July 29, 2024 7:33 PM

राज्यसरकार कायदा आणि सुव्यवस्थेच्या बाबतीत जागरूक नाही – विरोधी पक्षनेते अंबादास दानवे

राज्यातलं सरकार कायदा आणि सुव्यवस्थेच्या बाबतीत जागरूक नाही अशी टीका विरोधी पक्षनेते अंबादास दानवे यांनी केली. नवी मुंबईत घडलेल्या घटनेसंदर्भात चर्चा करण्यासाठी दानवे यांनी आज नवी मुंबईचे पोलीस आयुक्त मिलिंद भारंबे यांची भेट घेतली, त्यानंतर ते वार्ताहरांशी बोलत होते. राज्यात महिलांवरच्या अत्याचारांच्या घटना वाढल्यानं त्यांच्यात असुरक्षिततेची भावना असल्याचं ते म्हणाले. सर्वत्र लाडकी बहिण योजनेचा गवगवा केला जात आहे पण राज्यातल्या बहिणी सुरक्षित नाहीत, असंही ते म्हणाले.