शेअर बाजारामधल्या व्यवहारांमध्ये दिवसभरात तेजी

September 23, 2024 7:14 PM

शेअर बाजारामधल्या व्यवहारांमध्ये दिवसभरात तेजी

शेअर बाजारामधल्या व्यवहारांमध्ये दिवसभरात तेजी दिसून आली. सकाळच्या सत्रातच शेअर बाजारानं आतापर्यंतचा सार्वकालिक उच्चांक गाठला होता. दुपारच्या सत्रातही तेजी कायम राहिली. बाजार बंद होताना मुंबई शेअर बाजाराचा सेन्सेक्स ३८४ अंकांची वाढ नोंदवत ८४ हजार ९८० अंकांच्या नवा उंचीवर बंद झाला. तर राष्ट्रीय शेअर बाजाराचा निफ्टीही१४८ अंकांची वाढ नोंदवत २५ हजार ९३९ अंकांच्या विक्रमी उंचीवर बंद झाला. 

मुंबई शेअर बाजारात चढउतार

July 15, 2024 7:42 PM

मुंबई शेअर बाजारात चढउतार

शेअर बाजारात आज चढउतार झाले. मुंबई शेअर बाजाराचा सेन्सेक्स आज सकाळी शुक्रवारच्या तुलनेत १६७ अंकांनी वर उघडला. दुपारपर्यंत बाजार चढे होते. त्यादरम्यान मुंबई शेअर बाजाराच्या निर्देशांकानं एकदा ८० हजार ८६३ अंकांची नवी उंची गाठली होती. तर, राष्ट्रीय शेअर बाजाराचा निफ्टीही २४ हजार ६३५ उंचीवर पोचला होता. मात्र ही उंची शेवटपर्यंत टिकली नाही.  दिवसअखेर सेन्सेक्स १४६ अंकांची वाढ नोंदवत ८० हजार ६६५ अंकांवर बंद झाला. तर, राष्ट्रीय शेअर बाजाराचा निफ्टीही ८५ अंकांची वाढ नोंदवत २४ हजार ५८७ अंकांवर बंद झाला.

जून २०२४ मध्ये उघडली ४२ लाखांहून अधिक नवीन डी मॅट खाती

July 6, 2024 6:16 PM

जून २०२४ मध्ये उघडली ४२ लाखांहून अधिक नवीन डी मॅट खाती

भारतीय शेअर बाजार नवे उच्चांक गाठत असल्याच्या पार्श्वभूमीवर जून २०२४ मध्ये ४२ लाखांहून अधिक नवीन डी मॅट खाती उघडली आहेत. केंद्रीय डिपॉझिटरी सर्व्हिस आणि नॅशनल सिक्युरिटीज डिपॉझिटरी यांनी ही माहिती दिली आहे. यामुळे, डी मॅट खात्यांची एकूण संख्या आता १६ कोटीवर पोहोचली आहे. एका महिन्यात ४० लाखांहून अधिक नवीन डी मॅट खाती उघडण्याची ही चौथी वेळ आहे. गेल्या गुरुवारी मुंबई शेअर बाजार तसंच राष्ट्रीय शेअर बाजाराचा  निर्देशांक आतापर्यंतच्या सर्वाधिक उंचीवर पोहोचला होता.  

मुंबई शेअर बाजाराच्या सेन्सेक्सने आज पहिल्यांदाच ७९ हजार अंकांची पातळी ओलांडली

June 27, 2024 7:10 PM

मुंबई शेअर बाजाराच्या सेन्सेक्सने आज पहिल्यांदाच ७९ हजार अंकांची पातळी ओलांडली

मुंबई शेअर बाजाराच्या सेन्सेक्सने आज पहिल्यांदाच ७९ हजार अंकांची पातळी ओलांडली, तर निफ्टीनंही २४ हजार अंकांचा नवा उच्चांक गाठला. दिवसअखेर सेन्सेक्स ५६९ अंकांची वाढ नोंदवत, ७९ हजार २४३ अंकांवर बंद झाला. राष्ट्रीय शेअर बाजाराचा निफ्टीही १७६ अंकांची वाढ नोंदवत २४ हजार ४४ अंकांवर बंद झाला. आजच्या कामकाजात सुमारे ३०० कंपन्यांच्या समभागांनी ५२ आठवड्यातला उच्चांक गाठला तर २६ कंपन्यांच्या समभागांनी ५२ आठवड्यांची नीचांकी पातळी नोंदवली.  ऊर्जा, माहिती तंत्रज्ञान आणि सिमेंट  क्षेत्रातले समभाग आज चढे राहिले...