September 24, 2024 7:02 PM
गडचिरोलीत पोलिसांसोबत झालेल्या चकमकीत ३ नक्षलवादी ठार
गडचिरोली जिल्ह्याच्या सीमेजवळ छत्तीसगड राज्यातल्या नारायणपूर जिल्ह्यात काल झालेल्या चकमकीत तीन नक्षलवादी ठार झाले. यात दंडकारण्य झोनल समितीचा सदस्य रुपेश मडावी याचा समावेश आहे. तो मागच्या वीस वर्षांपासून गडचिरोली जिल्ह्यात सक्रिय होता. हत्या, जाळपोळ करणं असे ६६ गुन्हे त्याच्यावर दाखल होते. लोकसभा निवडणुकीवेळी भामरागड तालुक्यातल्या कोठी इथल्या मतदान केंद्रावर हल्ला करण्यात रुपेश मडावी याचा सहभाग होता असं पोलीस अधिक्षक नीलोत्पल यांनी सांगितलं.
