રાષ્ટ્રપતિ દ્વૌપદી મુર્મુ આજે ફિજીના રાષ્ટ્રપતિ રાતુ વિલિયમ માઇવલીલી કેતોનિવેર અને પ્રધાનમંત્રી સિતિવેની રાબુકા સાથે દ્વીપક્ષીય બેઠક કરશે. શ્રી મુર્મુએ આજે સવારે ફિજીની સંસદમાં સંબોધન કર્યું હતું. રાષ્ટ્રપતિ ગઈકાલે ફિજીની રાજધાની સુવા પહોંચ્યા હતા. જ્યાં ફિજીના પ્રધાનમંત્રીએ તેમને આવકાર્યા હતા. ફિજીના રાષ્ટ્રપતિએ શ્રી મુર્મુને ગાર્ડ ઑફ ઑનર આપ્યું હતું.
રાષ્ટ્રપતિએ બાદમાં ગાર્ડ ઑફ ઑનરનું નિરીક્ષણ કર્યું હતું. ફિજી યાત્રા બાદ રાષ્ટ્રપતિ મુર્મુ આવતીકાલથી ન્યૂઝીલેન્ડ્સનો પ્રવાસ કરશે. અહીં તેઓ ન્યૂઝીલેન્ડ્સમાં તેમના સમકક્ષ નેતાઓ સાથે મુલાકાત કરવાની સાથે એક શિક્ષણ સંમેલનમાં સંબોધન કરશે. રાષ્ટ્રપતિ મુર્મુ તેમના વિદેશ પ્રવાસના અંતિમ તબક્કામા તિમોર લેસ્તે પહોંચશે.