મહેસાણાના વડનગરમાં તૈયાર થયેલા એશિયાના પ્રથમ પુરાતત્વ અનુભવ સંગ્રહાલયનું કામ 90 ટકા પૂર્ણ થઈ ગયું છે. આ સંગ્રહાલય દેશનાં અતૂલ્ય વારસાને જીવંત બનાવશે.21 મીટર ઊંચા અને 326 થાંભલા પર 13 હજાર 525 ચોરસ ફૂટ વિસ્તારમાં આ સંગ્રહાલય પથરાયેલું છે. બાકીનું 10 ટકા કામ પૂર્ણ થયાં બાદ આગામી ત્રણ મહિનામાં આ સંગ્રહાલય પ્રવાસીઓ માટે ખૂલ્લું મુકાય તેવી શક્યતા છે.સંગ્રહાલયના ત્રણ માળની ગેલેરીમાં વડનગરના સાત વિવિધ કાળની સંસ્કૃતિની પ્રતીતિ કરાવતા ચિત્રો અને મળી આવેલા અવશેષો હશે. ઉલ્લેખનીય છે કે, દેશ અને એશિયાનું આ પ્રથમ સંગ્રહાલય હશે, જેમાં લોકો ઉત્ખનન ક્ષેત્રને જીવંત નીહાળી શકશે.