উত্তৰ প্ৰদেশৰ মীৰাটত ভৱন খহি মৃত্যু হোৱা লোকৰ সংখ্যা ১০ লৈ বৃদ্ধি

উত্তৰ প্ৰদেশৰ মীৰাটত এটা তিনিমহলীয়া ভৱন খহি পৰাৰ ফলত মৃত্যু হোৱা লোকৰ সংখ্যা ১০ লৈ বৃদ্ধি পাইছে। কালি সন্ধিয়া মীৰাটত জাকিয়া কলনিত এই ঘটনা সংঘটিত হৈছিল। আজি পুৱা উদ্ধাৰ অভিযানৰ সামৰণি পৰে আৰু ভৱনটোৰ ধ্বংসস্তুপ পৰিস্কাৰ কৰা হয়। ইপিনে, ধ্বংসাৱশেষৰ মাজৰ পৰা উদ্ধাৰ কৰা ৫ জন লোকক স্থানান্তৰিত কৰা হয়। মীৰাটত জিলা দণ্ডাধীশে জনোৱা অনুসৰি ভৱনটো খহি পৰাৰ সময়ত তাত ১৫ জন লোক আছিল। এন ডি আৰ এফ আৰু এছ ডি আৰ এফৰ উদ্ধাৰকাৰী দলসমূহে পৰিষ্কাৰ কৰি মুকলি কৰাৰ বাবে সমগ্র নিশাজুৰি কাম অব্যাহত ৰাখে ।