September 16, 2024 7:40 PM
ৰাজ্যৰ বিভিন্ন স্থানত স্মার্ট মিটাৰৰ বিৰুদ্ধে প্ৰতিবাদ অব্যাহত
ৰাজ্যৰ বিভিন্ন স্থানত স্মার্ট মিটাৰৰ বিৰুদ্ধে প্ৰতিবাদ অব্যাহত আছে। ৰাজ্যৰ কেইবাটাও দল সংগঠনে আজি বিভিন্ন স্থানত থকা অসম শক্তি বিতৰণ কোম্পানী লিমিটেডৰ স্থানীয় কার্যালয়সমূহত প্রতিবাদ সাব্যস্ত কৰে। নগাঁওৰ চামগুৰি, বৈদ্যুতিক উপ সংমণ্ডলৰ কাৰ্যালয় হৈ চামগুৰি ৰাজহ চক্ৰ বিষয়া কাৰ্যালয় পর্যন্ত প্রতিবাদী সমদল উলিওৱা হয় আৰু প্ৰতিবাদকাৰীয়ে ৰাজহ চক্ৰ বিষয়াৰ জৰিয়তে মুখ্যমন্ত্ৰীলৈ স্মাৰক পত্ৰ প্ৰেৰণ কৰে। চৰাইদেউ জিলাৰ সোণাৰীতো স্মার্ট মিটাৰৰ বিৰুদ্ধে প্ৰতিবাদী কাৰ্যসূচী হাতত লোৱা হয়।
