June 12, 2024 5:59 PM

প্রাক্তন ফুটবল খেলুৱৈ, প্ৰশিক্ষক টি কে চাথুন্নীৰ দেহাৱসান

প্রাক্তন ফুটবল খেলুৱৈ তথা প্ৰশিক্ষক টি কে চাথুন্নীৰ আজি পুৱা কেৰালাৰ এৰ্ণাকুলাম জিলাৰ কাৰুকুট্টিৰ এখন ব্যক্তিগত চিকিৎসালয়ত মৃত্যু হয়। মৃত্যুৰ সময়ত তেওঁৰ বয়স আছিল ৮০ বছৰ। দেশৰ এগৰাকী অতি সফল ফুটবল প্রশিক্ষক হিচাপে পৰিচিত চাথুন্নী কোচিন এফ চি, চাৰ্ছিল ব্ৰাডাৰ্ছ, ডেম্প’ এফ চি, মোহন বাগান, ছালগাওকাৰ আৰু কেৰালা আৰক্ষী ফুটবল দলকে ধৰি বহুকেইটা ফুটবল ক্লাবৰ প্ৰশিক্ষক হিচাপে আছিল।

May 25, 2024 12:21 PM

ৰাজ্যৰ প্ৰাক্তন মুখ্য সচিব, অর্থনীতিবিদ হৰেন্দ্ৰ নাথ দাসৰ দেহাৱসান

ৰাজ্যৰ প্ৰাক্তন মুখ্য সচিব, অর্থনীতিবিদ হৰেন্দ্ৰ নাথ দাসৰ যোৱা নিশা গুৱাহাটীৰ নিজা বাসভৱনত মৃত্যু হয়। মৃত্যুৰ সময়ত তেওঁৰ বয়স আছিল ৮৯ বছৰ। ১৯৬১ চনৰ আই এছ বিষয়া হৰেন্দ্ৰ নাথ দাস ১৯৯০ৰ পৰা ১৯৯৫ চনলৈ ৰাজ্যৰ মুখ্য সচিব পদত কাৰ্যনিৰ্বাহ কৰিছিল। ৰাজ্যৰ বিত্ত সচিবৰ উপৰিও অন্যান্য বহু প্ৰশাসনীয় দায়িত্বত থকা হৰেন্দ্ৰ নাথ দাস কেন্দ্ৰীয় চৰকাৰৰ বিত্তীয় মন্ত্ৰ্যালয়ৰ সঞ্চালক পদতো অধিষ্ঠিত হৈছিল। দাসৰ মৃত্যুত বৰ্তমান মুখ্য সচিব ৰবি কোটা, মহানগৰ আৰক্ষী আয়ুক্তকে ধৰি বিভিন্নজনে শ্রদ্ধা নিবেদন কৰে।

March 31, 2024 9:24 PM

বিশিষ্ট ভাষাবিদ, সাহিত্যচাৰ্য বিশ্বেশ্বৰ হাজৰিকাৰ মৃত্যুত মুখ্যমন্ত্ৰী ড০ হিমন্ত বিশ্ব শর্মাৰ শোক প্রকাশ

বিশিষ্ট ভাষাবিদ, সাহিত্যচাৰ্য বিশ্বেশ্বৰ হাজৰিকাৰ মৃত্যুত মুখ্যমন্ত্ৰী ড০ হিমন্ত বিশ্ব শর্মাই সামাজিক মাধ্যমযোগে শোক প্রকাশ কৰিছে। অসমীয়া ভাষাৰ উৎপত্তি আৰু ক্ৰমবিকাশ, চর্যাগীতিকোষ আদিৰ দৰে অমূল্য গ্ৰন্থৰে অসমীয়া সাহিত্যৰ ভঁৰাল চহকী কৰি থৈ যোৱা ভাষাবিদগৰাকীৰ মৃত্যু জাতীয় জীৱনৰ বাবে বৃহৎ ক্ষতি বুলি তেওঁ উল্লেখ কৰে। মন্ত্ৰী ৰঞ্জিত দাসেও বিশিষ্ট ভাষাবিদগৰাকীৰ মৃত্যুত শোক প্ৰকাশ কৰি শোকসন্তপ্ত পৰিয়াললৈ সমবেদনা জ্ঞাপন কৰে। অসম সাহিত্যৰ সভাইও তেওঁৰ মৃত্যুত শোক প্ৰকাশ কৰিছে। উল্লেখযোগ্য যে, যোৱা নিশ...

March 29, 2024 7:58 PM

কাৰাবন্দী গেংষ্টাৰৰ পৰা ৰাজনৈতিক নেতালৈ পৰিৱৰ্তন ঘটা মুখটাৰ আনচাৰিৰ মৃত্যু

কাৰাবন্দী গেংষ্টাৰৰ পৰা ৰাজনৈতিক নেতালৈ পৰিৱৰ্তন ঘটা মুখটাৰ আনচাৰিৰ যোৱানিশা উত্তৰ প্ৰদেশৰ বান্দা চিকিৎসা মহাবিদ্যালয় হাস্পতালত হৃদযন্ত্ৰৰ ক্ৰিয়া বন্ধ হোৱাৰ ফলত মৃত্যু হয়। পূৰ্বে আনচাৰিক ৰখা জিলা কাৰাগাৰতেই অসুস্থ হৈ পৰাৰ ফলত তেওঁৰ স্বাস্থ্যৰ অৱনতি ঘটা বুলি অভিযোগ উত্থাপিত হোৱাৰ পাছতেই তেওঁক হাস্পতালত ভৰ্তি কৰোৱা হয়। উত্তৰ প্ৰদেশৰ আৰক্ষী সঞ্চালকপ্ৰধান প্ৰশান্ত কুমাৰে কৈছে যে আনচাৰিৰ মৃত্যুৰ পাছত ৰাজ্যখনত ১৪৪ ধাৰাৰ অধীনত নিষেধাজ্ঞা জাৰি কৰা হৈছে। ৰাজ্যখনৰ গাজিপুৰ, মাও, বাৰাণসী আৰু অন্যান্য জি...