সমাগত বিশ্বকর্মা পূজা প্লাষ্টিকমুক্ত হিচাপে উদযাপন কৰিবলৈ বৰপেটা জিলা প্রশাসনৰ উদযাপন সমিতিসমূহক আহ্বান

September 14, 2024 6:55 PM

সমাগত বিশ্বকর্মা পূজা প্লাষ্টিকমুক্ত হিচাপে উদযাপন কৰিবলৈ বৰপেটা জিলা প্রশাসনৰ উদযাপন সমিতিসমূহক আহ্বান

বৰপেটা জিলাত সমাগত বিশ্বকর্মা পূজা প্লাষ্টিকমুক্ত হিচাপে উদযাপন কৰিবলৈ জিলা প্রশাসনে উদযাপন সমিতিসমূহক আহ্বান জনাইছে। এই উদ্দেশ্যে জিলাখনৰ আটাইকেইখন পৌৰসভাৰ কাৰ্যবাহী বিষয়াই উদযাপন সমিতিসমূহৰ লগতে ৰাইজকো এবাৰ ব্যৱহাৰ কৰা প্লাষ্টিকৰ মোনা, বটল আদি পূজাথলীত ব্যৱহাৰ নকৰিবলৈ আহ্বান জনাইছে। ইয়াৰ জৰিয়তে পৰিৱেশ ৰক্ষাৰ বাৰ্তা সমাজক দিবলৈ আৰু পূজাথলীত তেনে সামগ্ৰী ব্যৱহাৰ নকৰাৰ ক্ষেত্ৰত উদ্যোক্তাসকলক আগতীয়াকৈ সজাগতা সৃষ্টিৰ পৰামৰ্শৰ বাবেও জিলাখনৰ কাৰ্যবাহী দণ্ডাধীশে জাননী আগবঢ়াইছে।

বৰপেটাৰ কেন্সাৰ কেয়াৰ প্ৰতিষ্ঠানত অত্যাধুনিক পেট চিটি স্কেন মেচিন সংস্থাপন

August 22, 2024 6:15 PM

বৰপেটাৰ কেন্সাৰ কেয়াৰ প্ৰতিষ্ঠানত অত্যাধুনিক পেট চিটি স্কেন মেচিন সংস্থাপন

টাটা ন্যাস আৰু অসম চৰকাৰৰ উদ্যোগত বৰপেটাত স্থাপন কৰা কেন্সাৰ কেয়াৰ প্ৰতিষ্ঠানত আজি এটা অত্যাধুনিক পেট চিটি স্কেন মেচিন সংস্থাপন কৰা হয়। কৰ্কট ৰোগৰ উপৰি ৰোগীয়ে দীৰ্ঘদিন ধৰি ভুগি থকা বিভিন্ন ৰোগৰ সঠিক আৰু দ্ৰুত চিনাক্তকৰণৰ বাবে সংস্থাপন কৰা এই মেচিনটো আজি অসম কেন্সাৰ কেয়াৰ সংস্থাৰ মুখ্য পৰিচালন বিষয়া ডা০ জয়প্রকাশ প্ৰসাদে ৰাইজৰ বাবে মুকলি কৰে। এই মেচিনটো সংস্থাপনৰ ফলত বৃহৎ সংখ্যক লোক উপকৃত হ'ব বুলি বিষয়াগৰাকীয়ে প্ৰকাশ কৰে ।

সৰ্থেবাৰীৰ নসত্ৰৰ কৃষ্ণগুৰু সেৱাশ্ৰমত কৃষ্ণগুৰুৰ ৯০ সংখ্যক আৱিৰ্ভাৱ তিথি পালন

May 15, 2024 8:08 PM

সৰ্থেবাৰীৰ নসত্ৰৰ কৃষ্ণগুৰু সেৱাশ্ৰমত কৃষ্ণগুৰুৰ ৯০ সংখ্যক আৱিৰ্ভাৱ তিথি পালন

বৰপেটাৰ জিলাৰ সৰ্থেবাৰীৰ নসত্ৰৰ কৃষ্ণগুৰু সেৱাশ্ৰমত আজি কৃষ্ণগুৰুৰ ৯০ সংখ্যক আৱিৰ্ভাৱ তিথি পালন কৰা হয়। নসত্ৰৰ মূল সেৱাশ্ৰমৰ লগতে দেশ-বিদেশৰ ১০৪খন শাখা সেৱাশ্ৰমতো আৱিৰ্ভাৱ মহোৎসৱ পালন কৰা হয়। নসত্ৰৰ সেৱাশ্ৰমখনত আজি বাৰ ঘণ্টীয়া অখণ্ড পালনাম আয়োজন কৰাৰ উপৰি আধ্যাত্মিক শোভাযাত্রাও উলিওৱা হয়। এই শোভাযাত্ৰাত ৰাজ্যৰ বিভিন্ন স্থানৰ পৰা অহা কৃষ্ণগুৰুৰ শিষ্য তথা ভকতসকলে অংশগ্ৰহণ কৰে।