ৰাজ্যৰ জলসিঞ্চন মন্ত্রী অশোক সিংহালৰ বিভাগীয় বিষয়াৰে পর্যালোচনা বৈঠক

ৰাজ্যৰ জলসিঞ্চন মন্ত্রী অশোক সিংহালে কালি দিছপুৰত বিভাগীয় বিষয়াসকলৰ সৈতে এখন পর্যালোচনা বৈঠকত মিলিত হয়। জলসিঞ্চন বিভাগৰ আয়ুক্ত সচিব, সচিব, মুখ্য অভিযন্তাকে ধৰি কেইবাগৰাকী বিষয়াৰ উপস্থিতিত অনুষ্ঠিত বৈঠকখনত মন্ত্ৰীগৰাকীয়ে বিভাগৰ অধীনত অব্যাহত থকা বিভিন্ন আঁচনিসমূহৰ কাম-কাজৰ বুজ লয়। লগতে মন্ত্ৰীগৰাকীয়ে কৃষকসকলৰ সুবিধা-অসুবিধাক বিশেষ প্রাধান্য দি খেতি পথাৰসমূহলৈ পৰ্যাপ্ত জলসিঞ্চন সুনিশ্চিত কৰাৰ লগতে তেওঁলোকৰ সমস্যাসমূহ ততাতৈয়াকৈ সমাধান কৰিবলৈ বিভাগীয় বিষয়াসকলক নির্দেশ দিয়ে।