আছাম ৰাইফলছৰ কনভয়ত সংঘটিত আলফা-স্বাধীনৰ আক্ৰমণত জড়িত থকাৰ অভিযোগত ৩জন ব্যক্তিক গ্ৰেপ্তাৰ

অসমৰ মাৰ্ঘেৰিটাত আছাম ৰাইফলছৰ কনভয়ত সংঘটিত নিষিদ্ধ উগ্রপন্থী সংগঠন আলফা-স্বাধীনৰ আক্ৰমণত জড়িত থকাৰ অভিযোগত তিনিচুকীয়া আৰক্ষীয়ে তিনিজন ব্যক্তিক গ্ৰেপ্তাৰ কৰিছে। তিনিচুকীয়া আৰক্ষীৰ বিবৃতি অনুসৰি আছাম ৰাইফলছৰ ৩১ আৰু ২৩ নম্বৰ বেটেলিয়নে অৰুণাচল প্ৰদেশ আৰক্ষীৰ সৈতে চলোৱা যৌথ অভিযানত কালি মানখুল মোছা, মাননং মোছাং আৰু ঝোনৱাং হাকুম নামৰ লোককেইজনক গ্ৰেপ্তাৰ কৰা হয়। এই আটাইকেইজনেই অৰুণাচল প্ৰদেশৰ চাংলাং জিলাৰ বাসিন্দা বুলি প্ৰকাশ কৰা হৈছে। যোৱা ১৬ এপ্ৰিলৰ পুৱা প্ৰায় ৮ বজাত চাংলাং পথৰ কাষৰ মাকুম্পান...