জ্ঞানবাপী মছজিদৰ দক্ষিণ অংশত হিন্দুসকলক পূজা কৰাৰ বাবে যোৱা ৩১ জানুৱাৰীত বাৰাণসী আদালতে দিয়া ৰায় স্থগিত ৰাখিবলৈ উচ্চতম ন্যায়ালয়ে অস্বীকাৰ কৰিছে। ভাৰতৰ মুখ্য ন্যায়াধীশ ডি ৱাই চন্দ্ৰচূড়ৰ লগতে ন্যায়াধীশ জে বি পাৰিৱালা আৰু মনোজ মিশ্ৰাৰ বিচাৰপীঠে সকলো পক্ষকে মছজিদ প্ৰাংগনত বৰ্তমানৰ ব্যৱস্থা বাহাল ৰাখি উভয় সম্প্রদায়কে ধর্মীয় প্ৰাৰ্থনা অনুষ্ঠিত কৰাৰ সুবিধা দিবলৈ নির্দেশ দিয়ে। আদালতে দিয়া নিৰ্দেশ অনুসৰি, হিন্দুসকলে দক্ষিণ দিশেৰে প্ৰৱেশ কৰি সেই অংশত প্ৰাৰ্থনা কৰাৰ বিপৰীতে মুছলমানসকলে উত্তৰ দিশেৰে প্ৰৱেশ কৰি সেই অংশত উপাসনা কৰিব। গোচৰটোৰ চূড়ান্ত মীমাংসা নোহোৱালৈ এই ব্যৱস্থা বাহাল থাকিব।